Pages

Tuesday, 3 April 2012

Ika Id Ginawoku Gisom Sogigisom

Hasil Ketak Ketik Magic Spell Witch Vera at Tuesday, April 03, 2012
Ika Id Ginawoku Gisom Sogigisom


Kosorou oku ngawi di nabantalan hiti koposionku
Tadau pogulu di maso miambalut toh poh
Ingaa kosusaan hiti ginawo soira poindoros koh doid doho
Piombolutan di osonong, mantad suang ginawo
Ika songulun ih amu asaru mimboros
Nga kakal poingirak om poingingis koh kumaa doho
Nung osomok toiko poinsodu koh mantad doho.

Id suang ginawoku ingaa suai daa
Lansanonku tomod doh poimbalut toh gisom sogigisom
Nga amu oku nokoilo
Piomboluton toh minongusak piupusan
Ginawo diti minongupus diya
Mato diti amu kotongkiad doh sikito nopo diya
Kolungguyan diti monginruol doho
Amu oku koilo poingkuro doh popolisok ginawoku.

Nung koilo koh poingkuro suang ginawoku
Soira nokoilo ku doh ika nga poingupus nogi doho
Romou mato lumuyung, tumuru id totuong diri
Amu oku monumbaya nga poingkuro ika songulun id ginawoku
Piombolutan toh nokosiliu piupusan.

Ompuno oku oi koupusan
Tontok diri omulok toh poh
Ogumu tambalut om poingkuro ulau diti ginawoku
Amu koilo doh manatap ginawo sondiri
Soira nokoilo ku haro tulun suai minongupus diya
Songulun tambalut id osonong miagal diya
Ginawo diti amu kosimban soira kokito romou mato dau
Minomisunud doho doh poingopus yau kumaa diya
Siou noh koupusan tu minogidu oku dii mantad diya
Amu oku koilo doh nosindualan ginawo nuh
Om romou mato nuh tontok ku minamanau
Kakal ku’d poh osorou.

Gisom baino kakal oku momusorou diya
Ondos ku da om id maso-maso doh nakatalib diti
Atagak koh noh da mantad suang ginawo
Nga amu oku kaanu mogoling dika
Nokuro tu koihad oku soira kosorou dika
Romou mato ku kakal tumuru amu atahanan
Nokuro tu poingkakal iya noh hiti pomusarahan

Minosunud koh doh amu poh alaid om kouli koh
Siruba oku noh da diya oi tambalut
Nga rosion oku iti ginawoku amu atahanan
Ingaa nunu-nunu id osonong hiti koposionku baino
Ingaa nodi id ‘sundu’ kalangadan nuh doid doho miagal di pogulu
Ingaa nodi nunu-nunu id obuli patahakonku kumaa diya.

Koupusan pointopot doh ginawoku
Nokoinsodu koh nodi om hiti oku kakal poingandad
Patatapon ku nodi ginawoku doid magandad koulian nuh
Nga miampai diti romou tumuru tu siruba oku noh da doid diya
Poboroson langadku kumaa dilo tongus
Om koilo koh noh da songkuro oinggorit diti ginawo
Tuh oilaan ku hiti noh kopio id suang ginawoku
Obuli oku mongupus dika.

Alansan oku daa om ososonong koh noh da doh hino
Soira kouli koh hiti pomogunan soriba do tongus
Kada noh da pogihum doho om hinonggo kotutukonku
Kada noh daa ongoi ponuka doho om moguhot
Tu nokuro kakal okodou ginawoku
Nga kada noh da olingan piombolutan toh di pogulu
Om koilo koh no da ika songulun id nakaanu ginawoku
Tupus ku kakal kumaa diya
Gisom kotutukon do koposionku hiti pomogunan
Ika id ginawoku gisom sogigisom

Iti noh boros kagasan ku hiti ginawoku.


~a Dusun poem, freshly spelled with love and heart by the only one, truly Witch Vera, Haha~


2 Wizard Spells Here:

zay said...

sumandak dusun :)

Witch Vera said...

Hahaha.. yezza... yg sedang cuba kc baik pgunaan bhsa dusun dia.... muahaha...xD

Post a Comment

Witch Vera Feels Grateful To Have Wizard's Messages Today! Wee... Hahaha!

Latest Deals ! Click - Click On For More Great Deals!

Related Posts Plugin for WordPress, Blogger...
 

TMOD: Witch Vera and Her Magic Spells Copyright © 2011 Design by Ipietoon Blogger Template | web hosting